رمضان میں ہند۔ پاک مچھیروں کی رہائی کا مطالبہ

ممبئی: ایک امن کارکن نے ہندوستان اور پاکستان کی حکومتوں سے گزارش کی ہے کہ مقدس ماہ ِ رمضان میں خیرسگالی کے اقدام کے طورپر دونوں ممالک کی جیلوں میں بند مچھیروں بشمول عورتوں کو رہا کردیا جائے۔

جتن دیسائی نے ہفتہ کے دن ممبئی میں کہا کہ ہند۔ پاک جیلوں میں بند ہر ماہی گیر غلطی سے بحری حدود پار کرنے پر گرفتار ہوا۔

پاکستان کی جیلوں میں 190 ہندوستانی اور بعض عورتیں بند ہیں جبکہ ہندوستان میں 81 پاکستانی اور عورتیں قید ہیں۔

ان میں کئی اپنی سزا مکمل کرچکے ہیں۔ ان کی شہریت کی بھی توثیق ہوگئی۔ اب انہیں جیلوں میں بند رکھنا بے وجہ ہے۔