حیدرآباد میں شدید بارش کا امکان، وارننگ جاری

حیدرآباد: حیدرآباد کے کئی مقامات پر کل رات بارش ہوئی۔ ایل بی نگر، دلسکھ نگر، ونستھلی پورم، حیات نگر، بی این ریڈی، اوپل، ناگول، کرمان گھاٹ، ملک پیٹ، چارمینار، مہدی پٹنم، سرر نگر اور دیگر مقامات پر منگل کی صبح کی اولین ساعتوں میں بھی ہلکی بارش ہوئی۔

حیدرآباد میٹرولوجیکل ڈپارٹمنٹ کے عہدیداروں نے بتایاکہ آئندہ 36 گھنٹوں کے دوران حیدرآباد کے بیشتر علاقوں میں گرج چمک اور تیز ہواؤں کے ساتھ ہلکی یا اوسط بارش اور ژالہ باری کا امکان ہے۔ اس کے پیش نظر محکمہ موسمیات کے حکام نے گریٹرحیدرآباد کیلئے آرینج الرٹ وارننگ جاری کی ہے۔

دونوں شہروں کے کئی مقامات بشمول پرانے شہر کے بعض مقامات پر آسمان ابر آلود رہے گا۔ اضلاع سے بھی بارش کی اطلاعات موصول ہوئی ہیں۔