ماں باپ کے ساتھ بائیک پر سفر کرنے والا لڑکا سڑک حادثہ میں ہلاک

حیدرآباد: حیدرآباد کے ابراہیم باغ، تارہ متی بارہ دری علاقہ میں پیش آئے سڑک حادثہ میں ماں باپ کے ساتھ بائیک پر جانے والا لڑکا ہلاک ہوگیا۔یہ حادثہ اُس وقت پیش آیا جب ٹپر لاری کے ڈرائیور نے ان کی بائیک کوٹکر دے دی۔لاپرواہی سے لاری چلانے کے سبب یہ حادثہ پیش آیا۔حادثہ اتنا شدید تھاکہ یہ لڑکا موقع پر ہی ہلاک ہوگیا۔

اس حادثہ میں خاتون شدید زخمی ہوگئی جس کی حالت تشویشناک بتائی جاتی ہے۔اطلاع ملتے ہی پولیس وہاں پہنچی جس نے لاش کو پوسٹ مارٹم اور خاتون کو علاج کے لئے اسپتال منتقل کردیا۔