نلگنڈہ کے ایک کھیت میں مگرمچھ کی موجودگی سے سنسنی (ویڈیو وائرل)

حیدرآباد: تلنگانہ کے ضلع نلگنڈہ میں ایک کھیت میں مگرمچھ کی موجودگی سے سنسنی پھیل گئی۔ضلع کے تری پورارم میں ایک کسان جب اپنے کھیت میں زرعی سرگرمیوں کو انجام دینے پہچنا تو اس کو یہ دیکھ کر حیرت ہوئی کہ اس کے کھیت میں مگرمچھ تھی۔

یہ مگرمچھ کہاں سے آئی، اس کا پتہ نہیں چل سکا۔اس کسان نے کہا کہ اس کی جان کو مگرمچھ سے خطرہ ہے۔محکمہ جنگلات کے عہدیداروں کو اس بات کی اطلاع دی گئی۔اس مگرمچھ کا ویڈیو سوشیل میڈیا کے مختلف پلیٹ فارمس پر تیزی کے ساتھ وائرل ہوگیا۔