ریونت ریڈی کو گھر واپسی کی دعوت

حیدرآباد: صدر تلگودیشم پارٹی تلنگانہ کا سانی گیانیشور نے صدر ٹی پی سی سی اے ریونت ریڈی کو دوبارہ تلگودیشم پارٹی میں شمولیت (گھرواپسی) کی دعوت دی۔ آج این ٹی آر بھون میں تلنگانہ میں تلگودیشم پارٹی کے احیاء کیلئے منعقدہ پروگرام سے خطاب کرتے ہوئے انہوں نے کہا کہ اگر ریونت ریڈی گھر واپسی کا فیصلہ کرتے ہیں تو ان کا استقبال کیا جائے گا۔

واضح رہے کہ گذشتہ دنوں ریونت ریڈی نے تلگودیشم پارٹی کو اپنی ماں کی طرح قرار دیا تھا۔ ریونت ریڈی کے اس تبصرے کا خیرمقدم کرتے ہوئے انہوں نے کہا کہ آج ریاست کو تلگودیشم پارٹی کی ضرورت ہے۔

ہماری ذمہ داری ہے کہ این ٹی راما راؤ اور چندر ا بابو نائیڈو کے دور میں علاقہ کی ترقی کیلئے کئے گئے اقدامات سے واقف کراتے ہوئے پارٹی کے سنہرے ماضی کا احیاء کریں۔