آندھراپردیش میں پی جی میڈیکل سال دوم کے طالب علم نے خودکشی کرلی

حیدرآباد: آندھراپردیش میں پی جی میڈیکل سال دوم کے طالب علم نے خودکشی کرلی۔

اس طالب علم کی شناخت راجہ 27 سالہ کے سری کرشنا کیدار کے طورپر کی گئی ہے جو مہیندراورم کے قریب راجہ نگر کے جی ایس ایل میڈیکل کالج پی جی سال دوم کا طالب علم تھا۔

اس کی مشتبہ موت ہوگئی۔ذرائع کے مطابق تنالی سے تعلق رکھنے والا کیدار،گذشتہ روز اسٹاف کوارٹرس کے قریب مردہ پایاگیا۔

سمجھاجاتا ہے کہ اس نے گیسٹ ہوز کی عمارت سے کود کرخودکشی کرلی۔

اس کے سرپرزخموں کے نشان پائے گئے اور اس کے منہ سے خون بہہ رہا تھا۔

اس بات کی اطلاع پولیس کو دی گئی جس کے بعد پولیس نے وہاں پہنچ کر اس کی لاش کو پوسٹ مارٹم کے لئے منتقل کردیااور ایک معاملہ درج کرکے جانچ شروع کردی۔