آزاد ریاست فلسطین کے قیام پر چین کا زور

چین: چین کی وزارت خارجہ نے کہا ہے کہ چین کو فلسطینیوں اور اسرائیل کے درمیان حالیہ کشیدگی پر بڑی تشویش ہے۔

چینی وزارتِ خارجہ نے کہا کہ چین بین الاقوامی برادری کے ساتھ کام کرتا رہے گا تاکہ امن کی راہ نکل آئے۔

اس نے عالمی برادری سے کہا کہ وہ فوری فلسطین اور اسرائیل کے درمیان امن بات چیت کی بحالی میں مدد کرے۔

اس نے کہا کہ امن مساعی کو زیادہ عرصہ تک معطل نہیں رکھاجاسکتا۔ اس جھگڑے کے حل کا بنیادی راستہ دو مملکتی حل اور آزاد ریاست فلسطین کا قیام ہے۔