اے پی میں لاری اور آٹو متصادم۔ 6 افرادہلاک

حیدرآباد: آندھراپردیش کے پلناڈو ضلع کے پونڈوگُلا علاقہ میں لاری کے آٹو سے تصادم کے نتیجہ میں 6افرادہلاک اور دیگر 10زخمی ہوگئے۔

یہ حادثہ بدھ کی صبح کی اولین ساعتوں میں اُس وقت پیش آیاجب ضلع کے نرساپورگاوں سے تعلق رکھنے والے افرادجن میں زیادہ تر مزدور تھے، تلنگانہ کے ضلع نلگنڈہ کے نرساپورم گاوں کو جارہے تھے۔

پولیس نے یہ بات بتائی۔حادثہ اتنا شدید تھا کہ 5افرادموقع پر ہی ہلاک ہوگئے جبکہ دیگر کی اسپتال منتقلی کے دوران موت ہوگئی۔

زخمیوں کو علاج کے لئے سرکاری اسپتال منتقل کردیاگیا۔پولیس نے اس سلسلہ میں ایک معاملہ درج کرلیا۔