امیت شاہ کل پھر حیدرآباد آرہے ہیں

حیدرآباد: مرکزی وزیر داخلہ امیت شاہ اتوار کو ریاست میں تین عوامی جلسوں سے خطاب کریں گے۔

وہ دوپہر 12 بجے عادل آباد ضلع کے کاغذ نگر میں پارٹی امیدوار جی ناگیش کی حمایت میں اپنے پہلے جلسہ عام سے خطاب کریں گے۔

دوپہر 2 بجے نظام آباد میں پارٹی امیدوار دھرما پوری اروند کی حمایت میں ایک جلسہ سے خطاب کریں گے اور سہ پہر 4.30 بجے سکندرآباد پریڈ گراؤنڈ میں ایک جلسہ عام سے خطاب کریں گے۔

یہ جلسہ بی جے پی ریاستی یونٹ کے سربراہ اور سکندرآباد حلقہ کے پارٹی امیدوار جی کشن ریڈی کی حمایت میں منعقد کیا جارہا ہے۔