حیدرآباد

پی وی این آروے پر بے قابو کار اُلٹ گئی، 2 افراد شدید زخمی

اس کار کے الٹ جانے کے ساتھ ہی مقامی افراد وہاں پہنچ گئے جنہوں نے ان زخمیوں کو علاج کے لئے فوری طورپر قریبی اسپتال منتقل کیا۔اس حادثہ میں کار کو شدید نقصان پہنچا۔

حیدرآباد: شہرحیدرآباد کی پی وی این آروے پر 100کلومیٹر کی رفتار سے چلائی جارہی کار بے قابو ہوکر الٹ گئی جس کے نتیجہ میں کار میں سوار دو افراد شدید زخمی ہوگئے۔

متعلقہ خبریں
حیدرآباد دونوں ریاستوں کا مشترکہ دارالحکومت نہیں رہا
صدر ٹی پی سی سی کے عہدہ کیلئے کانگریس قائدین کی دوڑ دھوپ
تلنگانہ میں کانگریس کو 10 نشستیں ملیں گی، چیف منسٹر پرامید
1969 کی تحریک میں طلبہ پر کس نے گولی چلانے کی ہدایت دی؟ کے ٹی آر کا سوال
تلنگانہ:ایم ایل سی کی نشست کے ضمنی انتخاب کی مہم کااختتام

یہ حادثہ آج صبح ایکسپریس وے کے پلرنمبر215کے قریب پیش آیا جس کے ساتھ ہی اس مصروف ترین ایکسپریس وے پر بڑے پیمانہ پر ٹریفک جام ہوگئی اور صبح میں دفاتر کے ساتھ ساتھ دیگرکاموں کو جانے والوں کو شدید مشکلات کاسامنا کرناپڑا۔

اس کار کے آگے اور پیچھے دوسری گاڑیاں نہ ہونے کی وجہ سے ایک بڑا حادثہ ٹل گیا۔اس کار کے الٹ جانے کے ساتھ ہی مقامی افراد وہاں پہنچ گئے جنہوں نے ان زخمیوں کو علاج کے لئے فوری طورپر قریبی اسپتال منتقل کیا۔اس حادثہ میں کار کو شدید نقصان پہنچا۔

اطلاع ملتے ہی پولیس وہاں پہنچی جس نے اس حادثہ کی شکار کار کو وہاں سے ہٹاتے ہوئے ٹریفک کو بحال کیا۔پولیس کے مطابق یہ حادثہ مہدی پٹنم سے شمس آباد جانے کے دوران پیش آیا۔زخمیوں کی شناخت نہیں ہوسکی۔پولیس نے اس سلسلہ میں ایک معاملہ درج کرلیا اور اس بات کی جانچ کررہی ہے کہ آیا گاڑی میں سوار افراد حالت نشہ میں تونہیں تھے۔

a3w
a3w