اے پی: کار، لاری متصادم۔جوڑاہلاک

حیدرآباد: آندھراپردیش کے ضلع تروپتی میں پیش آئے خوفناک سڑک حادثہ میں ایک جوڑاموقع پر ہی ہلاک ہوگیا۔

یہ حادثہ ضلع کی چتور۔تروپتی ہائی وے روڈکے قریب اُس وقت پیش آیا جب لاری اور کار میں تصادم ہوگیا۔

بتایاجاتا ہے کہ کار چلانے والے نے لاپرواہی کا مظاہرہ کرتے ہوئے تیز رفتاری سے کارچلائی اور لار ی کو ٹکر دے دی۔اس حادثہ میں کار میں سوار شوہر اور بیوی موقع پر ہی ہلاک ہوگئے۔

اس حادثہ میں کار کو شدید نقصان پہنچا۔اطلاع ملتے ہی پولیس وہاں پہنچی جس نے لاشوں کو پوسٹ مارٹم کیلئے بھیج دیا اور اس سلسلہ میں ایک معاملہ درج کرکے جانچ شروع کردی۔