بریکنگ: اولڈ ایم ایل اے کوارٹرز کے قریب آٹو پر درخت گرپڑا، ڈرائیور ہلاک

حیدرآباد: حیدرآباد کے اولڈ ایم ایل اے کوارٹرز کے قریب ایک افسوسناک واقعہ پیش آیا۔ ہفتہ کی دوپہر اولڈ ایم ایل اے کوارٹرز روڈ اچانک ایک درخت گر پڑا۔ اس دوران ایک آٹو رکشا وہاں سے گذررہا تھا۔

درخت ٹھیک اس آٹو پر گرا جس کے نتیجہ میں آٹو ڈرائیور کی برسرموقع موت ہوگئی۔

اطلاع ملتے ہی پولیس جائے حادثہ پہنچ گئی اور موقع کا جائزہ لینے کے بعد جی ایچ ایم سی عہدیداروں کو وہاں طلب کرلیا۔

یہ سڑک ہمیشہ مصروف رہتی ہے اور حادثہ کے نتیجہ میں اس سڑک پر ٹریفک جام ہوگیا۔

جی ایچ ایم سی کے اہلکاروں نے وہاں پہنچ کر درخت کو ہٹانے کا کام شروع کیا۔

اس حادثے میں ہلاک ہونے والے آٹو ڈرائیور کی شناخت نہیں ہوسکی ہے۔ مزید تفصیلات کا انتظار ہے۔