مرکز کے جانبدارانہ فیصلے‘ ریاست کروڑہا روپے کے فنڈ سے محروم: ہریش راؤ

حیدرآباد: وزیرفینانس ٹی ہریش راؤ نے کہا کہ مرکزی حکومت کے جانب دارانہ فیصلوں کی وجہ سے ریاست کو کروڑہا روپے کے فنڈز سے محروم ہونا پڑا ہے۔

منگل کو ٹی ٹی سی بھون میں ٹی ایس یو ٹی ایف سدی پیٹ ڈسٹرکٹ کمیٹی کے زیراہتمام ٹیچر نرنجن کی یادگار تقریب سے خطاب کرتے ہوئے ہریش راؤ نے نرنجن کے ارکان خاندان کو 6 لاکھ روپئے کا ویلفیر فنڈ چیک حوالہ کیا۔

ہریش راو نے کہا کہ ملک میں کسی بھی ریاستی حکومت نے تدریسی عملے کو 71 فیصد فٹنس نہیں دیا تاہم تلنگانہ حکومت نے یہ کارنامہ انجام دیا۔

انہوں نے مزید کہا کہ چیف منسٹر کے چندرا شیکھر راو عنقریب   نئے پی آر سی کا اعلان کریں گے۔