منصف کے سینئر فوٹوجرنلسٹ شیخ نصیر کے انتقال پر چیف منسٹر ریونت ریڈی کااظہار تعزیت

حیدرآباد: چیف منسٹر تلنگانہ ریونت ریڈی نے سینئر فوٹو جرنلسٹ شیخ نصیرالدین کے انتقال پر گہرے رنج و غم کا اظہار کیا ہے۔

ایک تعزیتی پیام میں چیف منسٹر نے کہا کہ نصیر صاحب جنہوں نے تقریباً چار دہائیوں تک مختلف میڈیا اداروں، خصوصاً روزنامہ منصف کے ساتھ اپنی خدمات انجام دیں، فوٹو جرنلزم کے شعبے میں ایک منفرد مقام رکھتے تھے۔ ان کا انتقال صحافت کے لیے ناقابل تلافی نقصان ہے۔

چیف منسٹر نے مرحوم کی مغفرت اور سکون قلب کے لیے دعا کی اور ان کے افراد خاندان سے دلی ہمدردی و تعزیت کا اظہار کیا۔