اے پی: پٹاخوں کے گودام میں آگ لگ گئی۔ تین افراد زندہ جھلس کر ہلاک

حیدرآباد: آندھراپردیش کے تروپتی، کواکلی گاوں میں پٹاخوں کے گودام میں آگ لگ گئی جس کے نتیجہ میں تین افراد زندہ جھلس کر ہلاک ہوگئے۔یہ واقعہ کل پیش آیا۔

مہلوکین کی شناخت 26سالہ ایس ناگیندر، 36سالہ شنکرئیا اور 45سالہ یدوکونڈلا کے طورپر کی گئی ہے۔

گودام کے مالک ویراراگھولو اور ایک شخص جس کی شناخت کلیان کمار کے طورپر کی گئی ہے شدید طور پرجھلس گئے۔

ان کوعلاج کے لئے اسپتال منتقل کیاگیا۔

اس واقعہ میں پٹاخے پھٹ پڑے جس سے علاقہ میں کثیف دھویں کے ساتھ آگ کے شعلے نظرآئے۔

مقامی افراد نے اس بات کی اطلاع فائربریگیڈ کے اہلکاروں کو دی جس کے بعد چوکس فائر بریگیڈکے اہلکاروں نے وہاں پہنچ کر آگ پرقابو میں کیا۔

آگ لگنے کی وجہ معلوم نہ ہوسکی۔پولیس نے اس سلسلہ میں ایک معاملہ درج کرکے جانچ شروع کردی۔