سعودی عرب، ترکیہ اور عالم اسلام میں عید الفطر منائی گئی

ریاض؍انقرہ: سعودی عرب، ترکیہ اور عالم اسلام کے کئی ممالک میں عیدالفطر کے پہلے روز مسلمانوں نے جوق در جوق نماز عید کے لیے مساجد اور عیدگاہوں کا رخ کیا۔ صبح سویرے عیدگاہوں اور مساجد میں مسلمانوں کا بھاری اجتماعات دیکھے گئے جہاں نماز کے بعد رقت انگیز دعا کی گئی اور پھر ایک دوسرے کے کے ساتھ گلے مل کر عید منائی۔

اسلام کے تیسرے مقدس ترین مقام مسجد اقصیٰ میں تقریباً 120 ہزار مسلمان صبح سے عید الفطر کی نماز کے لیے کھڑے ہوئے۔ نماز کے بعد تکبیروں سے فضا گونج اٹھی۔

مسجد اقصیٰ میں نماز عید ادا کرنے والے ترکوں کے ایک گروپ نے جماعت میں خشک میوہ جات تقسیم کیے۔

صدر رجب طیب ایردوان نے بھی استنبول کی آیا صوفیہ کبیر مسجد میں عید الفطر کی نماز ادا کی۔

نماز کے بعد صدر ایردوان نے مسجد میں شہریوں کے ساتھ ایک ایک کرکے ہاتھ ملانے کے بعد رپورٹرز سے بھی ہاتھ ملایا اور انہیں چاکلیٹ پیش کئے۔