میدک میں تیندوے کی مشتبہ نقل وحرکت سے مقامی عوام میں خوف

حیدرآباد: تلنگانہ کے ضلع میدک کے چیٹلہ تمائی پلی گاوں میں تیندوے کی مشتبہ نقل وحرکت سے مقامی عوام میں خوف وہراس پایاجاتا ہے۔اس تیندوے نے زرعی کھیت میں بچھڑے پر حملہ کردیا۔

اس کسان ایم کرشنا نے کھیت میں واقع ایک شیڈ میں اس بچھڑے کو باندھا تھاتاہم جب وہ اتوار کی صبح واپس ہوا تو اس نے دیکھا کہ یہ بچھڑا ہلاک ہوگیا ہے۔کرشنا نے اس بات کی اطلاع محکمہ جنگلات کے عہدیداروں کو دی جس کے بعد محکمہ جنگلات کے عہدیدار وہاں پہنچے۔

انہوں نے کسانوں سے خواہش کی کہ وہ کھیتوں میں تنہا نہ جائیں۔اس واقعہ کی اطلاع کے ساتھ ہی کسان اور مقامی افراد کی بڑی تعداد وہاں پہنچ گئی۔یہ گاوں، جنگل کے قریب ہے اور عہدیداروں نے کسانوں سے خواہش کی کہ وہ رات کے اوقات میں کھیت یا پھر جنگل کے علاقہ میں نہ جائیں۔