بارات میں رقص کے دوران گرنے سے خاتون کی موت (ویڈیو وائرل)

حیدرآباد: رشتہ دار کی شادی کے موقع پر بارات میں رقص کرنے کے دوران گرپڑنے والی خاتون کی اسپتال میں موت ہوگئی۔یہ واقعہ تلنگانہ کے ضلع کھمم اربن میں پیش آیا۔اس کے رشتہ داروں نے بتایا کہ خاتون 30سالہ رانی اپنے رشتہ دار کی شادی کی تقریب کے موقع پر، علی پورم میں بارات میں رقص کررہی تھی۔

اسی دوران اچانک وہ گرپڑی، اس کو علاج کے لئے کھمم کے سرکاری اسپتال منتقل کیاگیا جہاں اس کی علاج کے دوران موت ہوگئی اور اس چونکادینے والے واقعہ سے شادی کے گھر میں سوگ چھاگیا۔

اس کا علاج کرنے والے ڈاکٹروں کا کہنا ہے کہ ڈی جے کی موسیقی سن کر اسے برین اسٹروک ہوا ہے۔ رانی کا تعلق رگھونا تھ پالیم ہے۔ وہ علی پورم میں اپنی بیٹی انجلی کے ساتھ مزدوری کر کے رہتی ہے۔