کے پی ایچ بی کالونی کے ایک مکان میں آتشزدگی
مقامی افرادنے گھر سے دھواں اٹھتا دیکھ کر فوری طور پر فائر بریگیڈ کو اطلاع دی۔ محکمہ فائر سروسس کی بروقت کارروائی اور فوری ردعمل کی وجہ سے آگ پر قابو پا لیا گیا اور آگ پڑوسی مکانات تک نہیں پھیلی۔
حیدرآباد: شہرحیدرآباد کی کے پی ایچ بی کالونی میں ایک مکان میں اچانک آگ بھڑک اٹھی۔ یہ واقعہ روڈ نمبر 3 پر واقع مکان میں پیش آیا جس کے نتیجہ میں علاقہ میں کچھ دیر کے لئے افراتفری مچ گئی۔
اطلاعات کے مطابق جس وقت یہ واقعہ پیش آیا، متاثرہ خاندان مہاشیو راتری کے موقع پر پوجا کے لئے قریبی مندر گیا ہوا تھا اور گھر میں کوئی موجود نہیں تھا۔
مقامی افرادنے گھر سے دھواں اٹھتا دیکھ کر فوری طور پر فائر بریگیڈ کو اطلاع دی۔ محکمہ فائر سروسس کی بروقت کارروائی اور فوری ردعمل کی وجہ سے آگ پر قابو پا لیا گیا اور آگ پڑوسی مکانات تک نہیں پھیلی۔
خوش قسمتی سے اس واقعہ میں کسی جانی نقصان یا کسی کے زخمی ہونے کی اطلاع نہیں ملی ہے۔ ابتدائی طور پر شبہ ظاہر کیا جا رہا ہے کہ آگ لگنے کی وجہ شارٹ سرکٹ ہو سکتی ہے تاہم پولیس اور متعلقہ حکام واقعہ کی اصل وجوہات کا پتہ لگانے کے لئے تحقیقات کر رہے ہیں۔
