تاریخ میں پہلی مرتبہ بی ایم سی کا بجٹ 50 ہزار کروڑ پار کرگیا

ممبئی: ملک کی امیرترین بلدیہ بریہن ممبئی میونسپل کارپوریشن(بی ایم سی) کی 134  سالہ تاریخ میں پہلی مرتبہ اس کا بجٹ 50 ہزار کروڑ روپے پارکرگیا ہے جو کئی چھوٹی ریاستوں کے بجٹ سے زیادہ ہے۔ ہفتہ کے دن بی ایم سی کمشنر اقبال سنگھ چہل نے بجٹ برائے سال 2023-24 پیش کیا۔

بلدی الیکشن کا عنقریب اعلان ہونے والا ہے۔ بجٹ میں ملک کے تجارتی دارالحکومت کی دیرپا معاشی ترقی کا وعدہ کیا گیا ہے۔ جاریہ سال کا بجٹ 52,619.07 کروڑ کا ہے۔

 سال گزشتہ کے مقابلہ اس میں 14.52 فیصد کا اضافہ ہوا۔ گزشتہ سال کا بجٹ 45,949.21 کروڑ روپے تھا۔ 38 سال میں پہلی مرتبہ بی ایم سی کو ایک اڈمنسٹریٹر چلارہا ہے۔