عالمی عوامل سے طے ہوگی بازار کی سمت

ممبئی: گھریلو شیئر بازاروں میں گزشتہ ہفتے رہی تیزی کے بعد آئندہ ہفتے میں بازار کی سمت عالمی عوامل پر منحصر ہوگی۔

امریکہ اور ایران کے درمیان آخری امن معاہدے کے لیے جاری بات چیت، غیر ملکی شیئر بازاروں اور خام تیل کی قیمتوں میں جاری اتار چڑھاؤ پر سرمایہ کاروں کی نظر ہوگی۔ گھریلو سطح پر انفارمیشن ٹیکنالوجی کمپنی ٹی سی ایس کے پہلی سہ ماہی کے نتائج بھی اگلے ہفتے 9 جولائی کو آنے ہیں۔

گزشتہ ہفتے پیر اور منگل کو شیئر بازاروں میں گراوٹ رہی جبکہ اگلے تین دن اچھی تیزی دیکھی گئی۔ بی ایس ای کا سینسیکس 663.44 پوائنٹس (0.86 فیصد) کی ہفتہ وار برتری کے ساتھ جمعہ کو 77763 پوائنٹس پر بند ہوا۔

نیشنل اسٹاک ایکسچینج کا نفٹی-50 انڈیکس بھی ہفتے کے دوران 214.85 پوائنٹس یعنی 0.89 فیصد چڑھ کر 24270.85 پوائنٹس پر پہنچ گیا۔ نفٹی مڈ کیپ-50 انڈیکس 1.11 فیصد اور اسمال کیپ-100 انڈیکس 2.05 فیصد کی ہفتہ وار مضبوطی کے ساتھ بند ہوا۔

سینسیکس کی 30 میں سے 20 کمپنیوں میں گزشتہ ہفتے تیزی رہی۔ اٹرنل کا شیئر 10.24 فیصد چڑھا۔ بجاج فنسرو میں 7.46 فیصد، بجاج فنانس میں 5.42، ماروتی سوزوکی میں 4.53 اور اڈانی پورٹس میں 4.34 فیصد کی برتری درج کی گئی۔

ٹائٹن کا شیئر 3.98 فیصد، ٹرینٹ کا 3.84، ایشین پینٹس کا 3.53، ایچ سی ایل ٹیکنالوجیز کا 3.49 اور بھارتی ایئر ٹیل کا 3.24 فیصد چڑھ گیا۔ بی ای ایل میں 2.75 فیصد، سن فارما میں 2.28، الٹرا ٹیک سیمنٹ میں 1.99، آئی سی آئی سی آئی بینک میں 1.61، پاور گرڈ میں 1.41، ہندوستان یونی لیور میں 1.27 اور این ٹی پی سی میں 1.18 فیصد کی تیزی رہی۔ ایچ ڈی ایف سی بینک، ٹاٹا اسٹیل اور انفوسس میں بھی ہفتہ وار تیزی رہی۔

نقصان اٹھانے والوں میں ایل اینڈ ٹی کا شیئر ہفتے کے دوران 4.58 فیصد ٹوٹا۔ کوٹک مہندرا بینک میں 3.01 فیصد، ایکسس بینک میں 2.47، ٹیک مہندرا میں 1.83، مہندرا اینڈ مہندرا میں 1.38 اور ریلائنس انڈسٹریز میں 1.06 فیصد کی گراوٹ رہی۔ اسٹیٹ بینک آف انڈیا، انڈیگو، ٹی سی ایس اور آئی ٹی سی کے شیئر بھی لال نشان میں رہے۔