گورنر بی جے پی کارکن کی طرح کام کررہی ہیں: جگدیش ریڈی
جگدیش ریڈی نے کہا کہ یہ ہندوستانی جمہوریت کے خلاف ہے۔ انہوں نے الزام لگایا کہ یہ غیر بی جے پی ریاستوں کی ترقی کو روکنے کی بی جے پی کی سازش کا یہ حصہ ہے۔انہوں نے کہاکہ اس کا ثبوت یہ ہے کہ ریاستی حکومت کی جانب سے بھیجے گئے بلز زیر التوا ہیں۔
حیدرآباد: تلنگانہ کے وزیر بجلی جگدیش ریڈی نے گورنر تمیلی سائی سوندراراجن پر تنقید کرتے ہوئے کہا کہ گورنر بی جے پی کارکن کی طرح کام کر رہی ہیں۔سوریا پیٹ ضلع مستقرمیں میڈیا سے بات کرتے ہوئے انہوں نے کہا کہ گورنر کو جمہوری حکومتوں کی منظوری سے بنائے گئے قوانین کو روکنے کا کوئی حق نہیں ہے۔
انہوں نے کہا کہ یہ ہندوستانی جمہوریت کے خلاف ہے۔ انہوں نے الزام لگایا کہ یہ غیر بی جے پی ریاستوں کی ترقی کو روکنے کی بی جے پی کی سازش کا یہ حصہ ہے۔انہوں نے کہاکہ اس کا ثبوت یہ ہے کہ ریاستی حکومت کی جانب سے بھیجے گئے بلز زیر التوا ہیں۔
انہوں نے کہا کہ غیر بی جے پی ریاستوں میں گورنر کو مرکز بی جے پی کے کارکن کے طور پر استعمال کر رہا ہے۔تمل ناڈو کے وزیر اعلیٰ اسٹالن کی قیادت والی حکومت نے بلز کی منظوری کے لئے وقت کے تعین کے سلسلہ میں اسمبلی میں قرارداد پیش کی گئی ۔
انہوں نے تنقید کرتے ہوئے کہا کہ بی جے پی نے اس طرح کی سازشوں کے لیے روٹ میپ تیار کیا ہے کیونکہ ترقیاتی اور فلاحی اسکیموں کی مانگ بی جے پی کی حکومت والی ریاستوں سے آرہی ہے۔غیر بی جے پی حکومت والی ریاستوں میں ترقی مودی حکومت کے لیے ناگوار ہے۔
