مشرق وسطیٰ

حماس نے جنگ بندی کی تجویز قبول کرلی

اسرائیل اور حماس کے درمیان جنگ بندی معاہدہ تین مراحل پر مشتمل ہو گا جس میں قیدیوں اور یرغمالیوں کا باہمی تبادلہ اور انسانی بنیادوں پر جنگ بندی نمایاں ہیں۔

غزہ: فلسطینی تحریک حماس نے مصر اور قطر کی جانب سے غزہ میں جنگ بندی کی تجویز قبول کر لی ہے۔ حماس کے سیاسی بیورو چیف اسماعیل ہانیہ کی جانب سے جاری کردہ بیان میں کہا گیا ہے کہ حماس نے قطر ی وزیر اعظم الشيخ محمد بن عبد الرحمن آل ثانی اور مصری خفیہ ایجنسی کے سربراہ عباس كامل کو آگاہ کر دیا ہے کہ حماس نے ان کی جنگ بندی کی تجویز قبول کر لی ہے۔

متعلقہ خبریں
اردن میں ایک میزائل گرا
حماس کے صدر یحییٰ السنوار کے قریبی ساتھی روحی مشتہی کو تین ماہ قبل ہلاک کردیا گیا،اسرائیل کا ادعا
قدر و قیمت میں ہے خُوں جن کا حرم سے بڑھ کر
غزہ میں جو دیکھا اس پر چپ نہیں رہ سکتے، امریکی ڈاکٹرز کا اہم اقدام
جنگ بندی مذاکرات میں پیش رفت نہیں ہوپائی: حماس

بتایا گیا ہے کہ اسرائیل اور حماس کے درمیان کشیدگی روکنے کی کوششیں کامیابی سے ہم کنار ہوئی ہیں۔ اسرائیل اور حماس کے درمیان جنگ بندی معاہدہ تین مراحل پر مشتمل ہو گا جس میں قیدیوں اور یرغمالیوں کا باہمی تبادلہ اور انسانی بنیادوں پر جنگ بندی نمایاں ہیں۔

قبل ازیں حماس نے کہا تھا کہ اس کا ایک وفد گزشتہ ہفتے کو غزہ میں فائر بندی مذاکرات کو دوبارہ شروع کرنے کے لیے قاہرہ گیا ہے۔ یاد رہے کہ غزہ میں جنگ بندی کے لیے مذاکراتگزشتہ دنوں قاہرہ میں ہوئے تھے۔