کے کویتا نے کانگریس کومبارکباد دی

حیدرآباد:بی آرایس کی رکن قانون ساز کونسل کے کویتا نے پارٹی کی شکست پر ردعمل ظاہر کیا ہے۔انہوں نے سوشیل میڈیا کے اہم پلیٹ فارم ایکس پر ٹوئیٹ کرتے ہوئے سخت محنت کرنے والے پارٹی کیڈرکاشکریہ اداکیا۔

انہوں نے بطورخاص سوشیل میڈیا کے سرگرم تمام افراد کا شکریہ اداکیا جنہوں نے جدوجہد کی تھی۔انہوں نے کہا کہ یہ ہمیں نہیں بھولنا چاہئے کہ اقتداریا اس کے بغیر ہم تلنگانہ عوام کے خدمت گذار ہیں۔آیئے ہم مل کر اپنی مادروطن کے لئے کام کریں۔انہوں نے پارٹی کے تمام کامیاب امیدواروں اور کانگریس کو مبارکباد پیش کی۔