کیرالا اسٹوری جلد ہی 150 کروڑ کلب میں شامل ہوجائے گی

نئی دہلی: وپل شاہ کی ہدایت کاری میں بننے والی فلم ‘دی کیرالہ سٹوری’ ریلیز ہوتے ہی اگرچہ تنازعات کا شکار ہو گئی تھی، لیکن اسے باکس آفس پر شائقین کی جانب سے بے پناہ محبت مل رہی ہے، جس کی وجہ سے باکس آفس پر اس فلم کا کل تک کا کلیکشن 147.04 کروڑ روپے ہے۔

اس فلم نے کیرالہ سے آئی ایس آئی ایس کی مبینہ بھرتی کے حساس مسئلے کو اجاگر کرنے والی فلم نےناظرین کو کافی متاثر کیا ہے۔ اس فلم نے نہ صرف ناظرین کے دلوں پر خاصا اثر چھوڑا ہے بلکہ باکس آفس پر بھی غیر معمولی کارکردگی کا سلسلہ جاری رکھا ہے۔ فلمی تجزیہ کاروں نے منگل کو 150 کروڑ کا ہندسہ عبور کرنے کا امکان ظاہر کیا ہے۔

فلم کو ابتدائی طور پر ہندوستان میں خصوصی طور پر تقسیم کیا گیا تھا لیکن اچانک دنیا بھر میں دلچسپی کے باعث بین الاقوامی تقسیم کاروں نے مزید پرنٹس کے لیے فلم سازوں سے رابطہ کیا۔ آخر کار ‘دی کیرالہ اسٹوری’ نے پوری دنیا میں اپنا آغاز کیا اور سامعین اس کے پُرجوش پلاٹ کی طرف مائل ہوگئے۔

‘دی کیرالہ اسٹوری’ وپل امرت لال شاہ کی ملکیت والی سنشائن پکچرز کے ذریعہ تیار اور تقسیم کی گئی ہے۔ اس میں ادا شرما، یوگیتا بہانی، سونیا بالانی اور سدھی ادنانی نے مرکزی کردار ادا کیے ہیں۔