فوادچوہدری کو فوری رہا کرنے اسلام آباد ہائیکورٹ کا حکم

اسلام آباد: پاکستان کے اسلام آباد ہائیکورٹ نے پاکستان تحریک انصاف کے رہنما فواد چوہدری کی تھری ایم پی او کے تحت گرفتاری کو کالعدم قرار دیتے ہوئے فوری رہائی کو حکم دیدیا۔

فوادچوہدری کی بازیابی کی درخواست پر اسلام آباد ہائیکورٹ میں سماعت ہوئی، فواد چوہدری کے بابر اعوان نے کہا کہ فواد چوہدری کو جن خدشات پر گرفتار کیا گیا انکا مواد موجود ہی نہیں ہے۔

جسٹس گل حسن اورنگزیب کا کہنا تھا کہ ایسا نہیں ہے جو واقعات 9 مئی کو ہوئے انکو سنجیدگی سے لینا چاہیے، فواد چوہدری اہم شخصیت ہیں، وفاقی وزیر رہ چکے ہیں، کیا آپ کو پاکستان کے ہجوم کا نہیں معلوم؟ آپ کہتے ہیں باہرنکلو توکیا صرف شریف لوگ نکلیں؟

جسٹس گل حسن اورنگزیب نے کہا کہ اس مواد پرڈسٹرکٹ مجسٹریٹ یہ آرڈر پاس نہ کریں تو کیا کریں؟ میرا مسئلہ ہے کہ میں واضح ہوں اورکھل کر بات کرتا ہوں، فواد چوہدری کو عدالت بلانے کا مقصد انہیں رہاکرنا تھا، عدالت نے یہ مواد پہلےنہیں دیکھا تھا۔

جسٹس میاں گل حسن اورنگزیب نے فواد چوہدری کی رہائی سے متعلق فیصلہ محفوظ کرتے ہوئے کیس پر تحریری فیصلہ آنے تک فوادچوہدری کو کمرہ عدالت میں رکھنےکا حکم دیدیا۔

عدالت نے فواد چوہدری کی رہائی سے متعلق فیصلہ محفوظ کرتے ہوئے کیس پر تحریری فیصلہ آنے تک فوادچوہدری کو کمرہ عدالت میں رکھنے کا حکم دیدیا۔

پاکستان تحریک انصاف کے رہنما فواد چوہدری کو آج بکتر بند میں اسلام آباد ہائیکورٹ پہنچا گیا تو جسٹس میاں گل حسن اورنگزیب نے سماعت کرتے ہوئے سرکاری وکیل سے پوچھا کہا ہیں فواد چوہدری، سرکاری وکیل نے بتایا کہ وہ ہائیکورٹ کے احاطے میں بکتر بند میں موجود ہیں۔

جس پر جسٹس میاں گل حسن اورنگزیب نے کہا تھا کہ ہم نے کمرہ عدالت میں پیش کرنےکا حکم دیا تھا، ہائیکورٹ کی حدود میں رکھنے کا حکم نہیں کیا تھا؟ کہاں ہیں ڈی ایس پی لیگل، وکیل نے بتایا کہ ڈی ایس پی لیگل، آئی جی پولیس و دیگر حکام کورٹ روم نمبرون میں ہیں۔

جسٹس میاں گل حسن اورنگزیب نے حکم دیا کہ فواد چوہدری کو فوری پیش کیا جائے، اس کے ساتھ ہی فواد چوہدری کو پیش کرنے تک اسلام آباد ہائیکورٹ میں سماعت ملتوی کردیا گیا تھا۔

واضح رہے کہ پولیس نے عدالتی حکم پر عمل درآمد کرتے ہوئے فواد چوہدری کو اسلام آباد ہائیکورٹ پہنچا دیا، گزشتہ روز عدالت نے فواد چوہدری کو پیش کرنے کا حکم دیا تھا۔