کوریا کے دورہ کا مثبت انداز میں آغاز:چیف منسٹر تلنگانہ
چیف منسٹر نے اپنے دن کا آغاز کوریا کے سب سے بڑے صنعتی گروپ میں سے ایک کارپس ایل ایس سے کیا جوپہلے ایل جی گروپ کا حصہ تھا۔اس گروپ کے ذمہ داروں کے ساتھ وسیع ترتبادلہ خیال کیاگیا
![کوریا کے دورہ کا مثبت انداز میں آغاز:چیف منسٹر تلنگانہ](https://urdu.munsifdaily.com/wp-content/uploads/2024/08/REVANTH-REDDY-KOREA.jpg)
حیدرآباد: سرمایہ کاری کو راغب کرنے کیلئے اپنے امریکہ کے کامیاب دورہ کے اختتام کے بعد وزیراعلی ریونت ریڈی نے کوریا کے دورہ کاآغازکیا۔ سوشیل میڈیا کے اہم پلیٹ فارم ایکس پر سرگرم ریونت ریڈی نے اس خصوص میں ایک پوسٹ کرتے ہوئے کہا کہ انہیں خوشی ہو رہی ہے کہ کوریا کے دورہ کا آغاز بہت مثبت انداز میں ہوا ہے۔
انہوں نے اپنے دن کا آغاز کوریا کے سب سے بڑے صنعتی گروپ میں سے ایک کارپس ایل ایس سے کیا جوپہلے ایل جی گروپ کا حصہ تھا۔اس گروپ کے ذمہ داروں کے ساتھ وسیع ترتبادلہ خیال کیاگیا۔وزیراعلی نے کہا کہ ان کی ٹیم بشمول ان کے وزرا اور عہدیداروں نے ایل ایس گروپ کے چیئرمین کو جا ایون اور ان کی سینئر ٹیم سے ملاقات کی۔
اس بات چیت میں وسیع مفادات بشمول تلنگانہ میں الکٹرک کیبلس، گیس اور بیٹریوں کی تیاری کیلئے سرمایہ کاری کے مسئلہ پر تبادلہ خیال کیاگیا۔وزیراعلی نے کہا کہ ان کی دعوت پر ایل ایس ٹیم جلد ہی ریاست کا دورہ کرے گی۔ انہوں نے کہاکہ وہ کافی مثبت ہیں کہ آنے والے دنوں میں بطور سرمایہ کار تلنگانہ میں ان کا استقبال کیاجائے گا۔