کے ٹی آر انتخابی ریالی کے دوران ایک بڑے حادثہ سے بال بال بچ گئے  (ویڈیو وائرل)

حیدرآباد: بی آر ایس کے ورکنگ صدر کے تارک راماراؤ جمعرات کو نظام آباد ضلع آرمور میں پارٹی کی انتخابی مہم کے دوران ایک بڑے حادثہ سے بال بال بچ گئے۔ یہ واقعہ کی ایک ویڈیو سوشل میڈیا پر وائرل ہوگئی۔

اوپن ٹاپ گاڑی کی ریلنگ جس پر کے ٹی آر اور ان کے پارٹی کارکن سفر کررہے تھے کہ ڈرائیور نے اچانک بریک لگادی جس کے نتیجہ میں گاڑی کی اوپر کی ریلنگ ٹوٹ گئی کے ٹی اور پارٹی قائدین نے توازن کھودیا اور گاڑی پر ہی گر گئے۔

بی آر ایس پارٹی کی معلومات کے مطابق تمام قائدین اس حادثہ میں محفوظ ہیں۔ پارٹی نے یہ بھی کہاکہ وہ اس حادثہ کے بعد قائدین نے کوڑنگل میں روڈ شو بھی کیا۔ واضح رہے کہ کے ٹی آر نے آج سرسلہ اسمبلی حلقہ کیلئے اپنا پرچہ نامزدگی داخل کیا۔