مہاراشٹر : کوئنا ڈیم کے علاقے میں زلزلے کے 5 ہلکے جھٹکے

کولہاپور: ستارا ضلع کے کوئنا نگر، کراد تحصیل میں واقع کوئنا آبپاشی ڈیم کے علاقے میں نصف شب سے صبح 4 بجے کے درمیان زلزلے کے 5 ہلکے جھٹکے محسوس کیے گئے۔

ان زلزلوں کی شدت ریکٹر اسکیل پر 2 سے 2.5 کے درمیان ریکارڈ کی گئی۔ شدت کم ہونے کی وجہ سے مقامی لوگوں کو ان جھٹکوں کا احساس نہیں ہوا۔

حکام کے مطابق کوئنا ڈیم کے علاقے میں پہلا ہلکا جھٹکا منگل کی رات تقریباً 12:30 بجے آیا، جس کی شدت ریکٹر اسکیل پر 2.1 تھی۔

اس کے بعد رات 1:30 بجے 2.3 شدت کا دوسرا جھٹکا آیا۔ صبح 3:15 بجے 2.2 شدت کا تیسرا جھٹکا محسوس کیا گیا، جبکہ 15 منٹ بعد 2.5 شدت کا ایک اور جھٹکا آیا۔ صبح 4 بجے 2.1 شدت کا پانچواں جھٹکا ریکارڈ کیا گیا۔

تاہم، ان علاقوں میں کسی جانی نقصان کی اطلاع نہیں ہے۔