ایم ایل اے خریدی کیس: ایک ملزم تلنگانہ ہائیکورٹ سے رجوع

حیدرآباد: تلنگانہ کی برسراقتدار جماعت ٹی آرایس کے ارکان اسمبلی کی خریداری کی کوشش کے سنسنی خیز معاملہ کے ایک ملزم کیرالا سے تعلق رکھنے والے جگد سوامی نے تلنگانہ ہائی کورٹ میں درخواست داخل کرتے ہوئے ان کو تلنگانہ کی ایس آئی ٹی کی جانب سے جاری کردہ نوٹس پر روک لگانے کی خواہش کی ہے۔

انہوں نے اپنی درخواست میں واضح کیا کہ ان کا ایم ایل ایز کی خریداری کے معاملہ سے کوئی لینا دینا نہیں ہے اور انہیں اس کیس میں غیر قانونی طور پر پھنسایا گیا ہے۔ پیر کو ہائی کورٹ میں درخواست کی سماعت ہونے کا امکان ہے۔ دوسری جانب پولیس نے اس کیس میں جگد سوامی کے تعلق سے اہم شواہد جمع کئے ہیں۔