ایم ایل سی نارائن ریڈی نے بی آر ایس سے استعفیٰ دے دیا

حیدرآباد: تلنگانہ کے متحدہ محبوب نگرکے ایم ایل سی کے نارائن ریڈی نے ریاست کی حکمران جماعت بی آر ایس سے استعفیٰ دے دیا ہے۔ انہوں نے اعلان کیا کہ وہ کانگریس پارٹی میں شامل ہو رہے ہیں۔

 نارائن ریڈی نے آج صبح تلنگانہ پردیش کانگریس کے صدر ریونت ریڈی سے ملاقات کی۔اس بات کی اطلاع مل رہی ہیں کہ وہ آئندہ انتخابات میں کلواکورتی حلقہ سے مقابلہ کریں گے۔واضح رہے کہ ملکاجگری کے رکن اسمبلی ایم ہنمنت راو، سابق ایم ایل اے ویمولا ویرشم نے کانگریس کے قومی صدر کھرگے کی موجودگی میں حال ہی میں کانگریس پارٹی میں شمولیت اختیار کی۔

 ان کے ساتھ ایم روہت اور کے انل کمار نے بھی کانگریس کا کھنڈوا پہن لیا۔ وزیر صحت ہریش راؤ پر اپنے بیٹے کو ٹکٹ نہ دینے کے سنسنی خیز الزامات لگانے کے بعد ہنمنت راو نے بی آر ایس پارٹی سے استعفیٰ دے دیا۔