پارٹی کی فہرست میں میرانام رہے گا : راجہ سنگھ
بی جے پی رکن اسمبلی گوشہ محل ٹی راجہ سنگھ نے توقع ظاہر کی ہے کہ بی جے پی کی جانب سے عنقریب جاری کی جانے والی فہرست میں انکا بھی نام شامل رہے گا۔
حیدرآباد: بی جے پی رکن اسمبلی گوشہ محل ٹی راجہ سنگھ نے توقع ظاہر کی ہے کہ بی جے پی کی جانب سے عنقریب جاری کی جانے والی فہرست میں انکا بھی نام شامل رہے گا۔
اگر امیدواروں کی فہرست میں ان کانام نہیں رہتا ہے تو وہ انتخابی سیاست سے دور رہیں گے۔
انہوں نے واضخ کیا کہ بی جے پی قیادت حلقہ اسمبلی گوشہ محل سے جس شخص کو بھی امیدوار بنائے گی وہ اُس کا خلوص دل کے ساتھ تعاون کریں گے۔
انہوں نے قیاس آرائی کی کہ اسمبلی معلق رہے گی اور بی آر ایس دوسری جماعتوں کی مدد کے بغیر حکومت نہیں بناسکے گی۔ حکومت بنانے کیلئے کے سی آر کو کسی بڑی جماعت سے مدد کی ضرورت رہے گی۔
انہوں نے اس یقین کا اظہار کیا کہ پارٹی قیادت ان کی معطلی کو ختم کردے گی۔ مجھے بی جے پی کے قومی اور ریاستی قائدین کی تائید و حمایت حاصل ہے۔
اگر معطلی برخواست نہیں کی گئی تو بھی وہ آزاد امیدوار کے طور پر انتخابات میں حصہ نہیں لیں گے۔ میں ہندو دھرم کے تحفظ کیلئے کام کرتا رہوں گا۔
