حیدرآباد

تلنگانہ کے ضلع جگتیال میں پیش آئے سڑک حادثہ میں دو نوجوان ہلاک

یہ حادثہ کل شب ضلع کے دمائی پیٹ میں اُس وقت پیش آیا جب بائیک چلانے والے نے اس کا توازن کھودیا اور بائیک سڑک کے کنارے درخت سے ٹکراگئی۔

حیدرآباد: تلنگانہ کے ضلع جگتیال میں پیش آئے سڑک حادثہ میں دو نوجوان ہلاک ہوگئے۔

متعلقہ خبریں
ہٹ اینڈ رن کیس، 5 گرفتار
مدینہ ہائی اسکول میں انویسٹیچر تقریب، ڈاکٹر مصطفیٰ ہاشمی نے طلبہ کو کتابوں سے رشتہ جوڑنے کا مشورہ دیا
اردو ہال حمایت نگر میں آج اور کل قومی سمینار  – "حسرت موہانی” پر مقالوں کی پیشکشی
محبوب نگر: اقلیتی تعلیم یافتہ نوجوانوں کے لیے چار ماہہ مفت فاؤنڈیشن کورس کی آخری تاریخ میں توسیع
حیدرآباد: "اجالوں کے شجر” کی رسمِ اجرا، خادم رسول عینی کی نعتیہ شاعری کو خراجِ تحسین

یہ حادثہ کل شب ضلع کے دمائی پیٹ میں اُس وقت پیش آیا جب بائیک چلانے والے نے اس کا توازن کھودیا اور بائیک سڑک کے کنارے درخت سے ٹکراگئی۔

اس حادثہ میں دونوجوان ہلاک ہوگئے جن کی شناخت ترمل پور کے رہنے والے 18سالہ پی راجندر اور سدرالاپلی کے رہنے والے 19سالہ پی اکشئے کے طورپر کی گئی ہے۔

پولیس کے مطابق یہ دونوں، اپنے دوست کے مکان گئے تھے۔واپسی کے دوران یہ دونوں حادثہ کا شکار ہوگئے۔

پولیس نے کہاکہ اکشئے موقع پر ہی ہلاک ہوگیا جبکہ راجندر نے اسپتال میں علاج کے دوران آخری سانس لی۔

اکشئے نے حال ہی میں ڈگری سال دوم کا امتحان تحریر کیا تھا جبکہ راجندر نے سال اول کا امتحان تحریر کیا تھا۔

پولیس نے لاشوں کو پوسٹ مارٹم کے لئے جگتیال کے اسپتال منتقل کردیا۔

ذریعہ
یواین آئی