آندھراپردیش

شادی کے 72 گھنٹے بعد سڑک حادثہ میں نوبیاہتا جوڑا ہلاک

دلہن کے ارکان خاندان بارم پورم میں ان کا انتظار کر رہے تھے۔ اچِھاپورم ٹاون میں وینو کے ارکان خاندان کو اس سڑک حادثہ کا پتہ چلا۔ اس حادثہ میں دولہا اور دلہن دونوں کی موت پر دونوں خاندانوں میں غم کی لہر دوڑگئی۔

حیدرآباد: سڑک حادثہ میں نوبیاہتا جوڑاہلاک ہوگیا۔تفصیلات کے مطابق آندھرا پردیش کے اچِھاپورم ٹاون سے تعلق رکھنے والے وینو اور اڈیشہ کے بارم پورم سے تعلق رکھنے والی پراویلیکا کی شادی اس ماہ کی 10 تاریخ کو وشاکھاپٹنم میں ہوئی تھی۔

متعلقہ خبریں
بچہ کی جنس کا پتا چلانے بیوی کا پیٹ چیرنے والے شخص کو سخت سزا
ملگ میں پرچم کا پول برقی تاروں سے ٹکراگیا، 2ہلاک
حیدرآباد: سڑک حادثہ میں انجینئرنگ طالب علم ہلاک
اسرائیلی بمباری سے بے گھر ہوئے جوڑوں کی شادی
غزہ: رفح کے اسکول میں پناہ لیے جوڑے نے شادی کرلی (ویڈیو)

12فروری کو اچِھاپورم میں وینو کے گھر پر ایک عشائیہ کا اہتمام کیا گیا تھا۔ 13 فروری کو نوبیاہتا جوڑا بائیک پر پر بارم پورم میں دلہن کے گھر جا رہا تھا کہ ٹریکٹر چلانے والے نے اس کا توازن کھودیا اور ان کی بائیک کو ٹکر دیدی۔حادثہ اتنا شدید تھاکہ دونوں موقع پر ہی ہلاک ہوگئے۔

یہ حادثہ آندھرا اوڈیشہ کی سرحد پر گولانترا گاؤں کے قریب پیش آیا۔دلہن کے ارکان خاندان بارم پورم میں ان کا انتظار کر رہے تھے۔ اچِھاپورم ٹاون میں وینو کے ارکان خاندان کو اس سڑک حادثہ کا پتہ چلا۔ اس حادثہ میں دولہا اور دلہن دونوں کی موت پر دونوں خاندانوں میں غم کی لہر دوڑگئی۔

a3w
a3w