دہرہ دون میں مسلمان کی دکان سے بھگوان رام کا پوسٹر نکال دیا گیا (ویڈیو)

دہرہ دون: لوگوں کے ایک گروپ نے یہاں مبینہ طورپر ایک مسلمان کی دکان میں گھس کر بھگوان رام کی تصویر والے پوسٹر نکال دیئے۔

پولیس نے جمعہ کو یہ بات بتائی۔ رادھا دھونی کی زیرقیادت گروپ نے پوسٹر پر اعتراض کیا اوردکان میں زبردستی گھس پڑا۔

گروپ کا کہنا تھا کہ مسلمان کو ہندو دیوی دیوتاؤں کے پوسٹر لگانے کا کوئی حق نہیں ہے۔

سوشل میڈیا پر ویڈیو میں رادھا دھونی کو دکاندار کو دھمکاتے اور پوسٹر نکالتے دیکھا جاسکتا ہے۔

مقامی لوگوں کے بموجب آئی ایس بی ٹی کے قریب واقع دکان ایک ہندو کی ملکیت ہے لیکن اسے ایک مسلمان چلارہا ہے۔

دکان مالک نے بھی مسلمان شخص سے کہا تھا کہ وہ دکان کے اندر کوئی چیز تبدیل نہ کرے۔ پٹیل نگر پولیس اسٹیشن میں رادھا دھونی اور اس کے گروپ کے خلاف کیس درج ہوا۔