وزیر اعظم مودی کا دورہ حیدرآباد، ملکاجگیری میں ہوگا روڈ شو

حیدرآباد: وزیر اعظم نریندر مودی جمعہ کو حیدرآباد کا دورہ کریں گے۔ وہ دس دنوں میں دوسری مرتبہ ریاست کا دورہ کررہے ہیں۔مودی تین دن تک لوک سبھا کی انتخابی مہم میں حصہ لیں گے۔ وزیر اعظم مودی جمعہ کی شام ملکاجگری میں روڈ شو کریں گے جس کے لئے بی جے پی لیڈران انتظامات میں مصروف ہیں۔

اس کے علاوہ مودی 16 مارچ کو ناگرکرنول میں ایک جلسہ عام سے بھی خطاب کریں گے۔ وزیر اعظم مودی 18 مارچ کو جگتیا ل میں ہونے والے جلسہ عام میں بھی شرکت کریں گے۔

وزیر اعظم کے ناگرکرنول کے دورہ کو حتمی شکل دے دی گئی ہے۔ وزیر اعظم لوک سبھا انتخابی مہم کے حصہ کے طور پر ناگرکرنول کا دورہ کریں گے۔ چونکہ مودی پہلی بار ناگرکرنول کا دورہ کررہے ہیں، بی جے پی لیڈروں نے ان کی زبردست ریلی نکالنے کا فیصلہ کیا ہے۔