راہول گاندھی نے کانگریس کی جیت کیلئے رن رات کام کرنے والی ٹیم کی حوصلہ افزائی کی
راہول گاندھی نے ریاست میں کانگریس کی جیت کو یقینی بنانے کے لیے دن رات کام کرنے والی پی سی سی وار روم کی ٹیم سے بھی ملاقات کی۔ انہوں نے وار روم کے اہلکاروں سے وار روم کے ورکنگ سسٹم کو قریب سے سمجھا۔
![راہول گاندھی نے کانگریس کی جیت کیلئے رن رات کام کرنے والی ٹیم کی حوصلہ افزائی کی](https://urdu.munsifdaily.com/wp-content/uploads/2023/06/RAHUL-GANDHI-2-780x470.jpg)
جے پور: کانگریس کے سابق قومی صدر راہول گاندھی نے اتوار کے روز راجستھان میں کانگریس کی جیت کے لیے دن رات کام کرنے والی ٹیم کی حوصلہ افزائی کی۔ راہول گاندھی، جو آئندہ اسمبلی عام انتخابات میں پارٹی امیدواروں کی حمایت میں مہم چلانے کے لیے راجستھان کے دورے پر تھے، جے پور میں واقع پی سی سی وار روم پہنچے۔ اس دوران
اے آئی سی سی کے ریاستی انچارج سکھجندر سنگھ رندھاوا، ریاستی کانگریس سنٹرل وار روم کے چیئرمین ششی کانت سینتھل، شریک چیئرمین لوکیش شرما، جسونت گرجر اور کیپٹن اروند کمار کے ساتھ انتخابات کے لیے جاری سرگرمیوں اور مستقبل کی حکمت عملی پر تبادلہ خیال کیا۔
مسٹرراہل گاندھی نے ریاست میں کانگریس کی جیت کو یقینی بنانے کے لیے دن رات کام کرنے والی پی سی سی وار روم کی ٹیم سے بھی ملاقات کی۔ انہوں نے وار روم کے اہلکاروں سے وار روم کے ورکنگ سسٹم کو قریب سے سمجھا۔
راہول گاندھی کام کاج کی مسلسل نگرانی سے متاثر نظر آئے اور انہوں نے ریاست میں 25 نومبر کو ہونے والے انتخابات کے بعد وار روم کا رپورٹ کارڈ بھی مانگا۔
دریں اثنا، پی سی سی سنٹرل وار روم کے شریک چیئرمین اور وزیر اعلیٰ اشوک گہلوت کے ماہر لوکیش شرما نے مسٹر راہل گاندھی کو بتایا کہ ایک علیحدہ کال سنٹر بھی 24×7 کام کر رہا ہے، جو روزانہ تقریباً 400 سے 500 کالزسنبھالتا ہے۔
اسمبلیاں اور وہاں اصل صورتحال کا جائزہ لے کر ایک رپورٹ تیار کی جاتی ہے۔ اس پر بھی مسلسل نظر رکھی جا رہی ہے تاکہ ریئل ٹائم اپڈیٹس کے ذریعے عوام کی رائے حاصل کی جا سکے اور اس کے مطابق اگر پارٹی کی انتخابی مہم کی حکمت عملی میں تبدیلی کی ضرورت ہے تو ریاست میں کانگریس کی حکومت کی واپسی کے لیے ضروری اقدامات کیے جا سکیں۔