اعظم گڑھ میں سڑک حادثہ، تین ہلاک اور چار زخمی

اعظم گڑھ: اتر پردیش میں اعظم گڑھ ضلع کے رانی کی سرائے تھانہ علاقے میں پیر کی صبح مہاکمبھ سے واپس آنے والے نیپال سے عقیدت مندوں کو لے جانے والی کار ایک ڈیوائیڈر سے ٹکرا گئی۔

اس حادثے میں میاں بیوی سمیت تین افراد کی موت ہو گئی جبکہ چار زخمی ہو گئے۔

پولیس ذرائع نے بتایا کہ ہلاک ہونے والے تمام افراد نیپال ملک کے روپم دیہی ضلع کی دیودار میونسپلٹی کے رہائشی ہیں۔

یہ تمام 15 فروری کو اسنان کے لیے نیپال سے پریاگ راج گئے تھے اور آج اسنان کے بعد واپس آ رہے تھے اسی دوران اعظم گڑھ- وارانسی ہائی وے پر یہ حادثہ ہوگیا۔

مرنے والوں کی شناخت دیپا (35)، اس کے شوہر گنیش (45) اور گنگا (40) کے طور پر ہوئی ہے۔

زخمیوں، ہریتھک دوبے (21)، کوپیلا دیوکلا دیوی (35)، اویشنکر (25) اور شبھم پوکھرل (22) کو فوری طور پر گورکھپور میڈیکل کالج لے جایا گیا۔ ابتدائی طور پر حادثے کی وجہ ڈرائیور کی جانب سے غنودگی کو سمجھا جاتا ہے۔