حیدرآباد

گھر میں چوری کے بعد چوروں نے فریج میں رکھی بریانی پر ہاتھ صاف کردیا

گھر میں چوری کرنے کے بعد چوروں نے فریج میں رکھی بریانی پر ہاتھ صاف کردیا۔

حیدرآباد: گھر میں چوری کرنے کے بعد چوروں نے فریج میں رکھی بریانی پر ہاتھ صاف کردیا۔

متعلقہ خبریں
ضلع مرکز میں 27 واں مفت سمر کراٹے کیمپ، طلباء کی صلاحیتوں کو نکھارنے کا سنہری موقع: چنہ ویرایا
جمعیتہ علماء ضلع نظام آباد کی مجلس منتظمہ کا اجلاس وممبر سازی مہم کا آغاز
کویت میں قرآن قرأت مقابلہ، حیدرآباد سرکل کے زیر اہتمام روح پرور محفل کا انعقاد
حیدرآباد ایجوکیشن ایکسپو میں مولانا آزاد اردو یونیورسٹی کا رہنمائی کیمپ
حیدرآباد سے حج 2025 کا تیسرا قافلہ پروقار انداز میں روانہ

یہ واقعہ شہرحیدرآباد کے بالاپور کے بڈنگ پیٹ میں پیش آیا۔تفصیلات کے مطابق ان چوروں نے مکان سے نقد رقم کے ساتھ ساتھ زیورات کی چوری کرلی۔

انہوں نے جب فریج کھولا تو اس میں بریانی تھی۔چوروں نے وہیں بیٹھ کر بریانی کھالی اور فرارہوگئے۔یہ واردات 26جون کوپیش آئی۔

مکان مالک جو پرائیویٹ اسپتال میں نرس ہے نے مکان کو مقفل کیا تھا اور قریبی رشتہ دار کے مکان میں ہونے والی تقریب کیلئے روانہ ہوئی تھی۔

اگلے دن جب وہ واپس آئی تو اس نے گھر کا دروازہ کھلا پایا اور گھر کی اشیا منتشر تھیں۔الماری میں موجود قیمتی سامان غائب تھا۔

اس کی حیرت کی اُس وقت انتہا نہیں رہی جب اس نے دیکھا کہ فریج میں رکھی بریانی پر بھی چوروں نے ہاتھ صاف کردیاہے۔

اس بات کی شکایت بالاپور پولیس سے کی گئی جس نے اس سلسلہ میں معاملہ درج کرکے جانچ شروع کردی۔