سناتن دھرم کو کسی سرٹیفکیٹ کی ضرورت نہیں: موہن بھاگوت

ہری دوار: راشٹریہ سوئم سیوک سنگھ (آر ایس ایس) سربراہ موہن بھاگوت نے جمعرات کو کہا کہ سناتن دھرم کو کسی سرٹیفکیٹ کی ضرورت نہیں کیونکہ یہ وقت کے پیمانہ پر سچ ثابت ہوچکا ہے۔

آر ایس ایس سربراہ نے اترکھنڈ کے ہری دوار میں سنیاس دِکشا تقریب سے خطاب کرتے ہوئے کہا کہ آج آپ لوگ بھگوا رنگ کے وقار میں اضافہ کے لئے اسے پہننے کا عہد کررہے ہیں۔

جو سناتن ہوتا ہے اسے کسی سرٹیفکیٹ کی ضرورت نہیں ہوتی۔ یہ مذہب وقت کی کسوٹی پر کھرا اترچکا ہے۔

انہوں نے مزید کہا کہ سناتن دھرم جو بہت پہلے شروع ہوا تھا‘ آج بھی باقی ہے اور کل بھی رہے گا۔

ہر چیز تبدیل ہوجاتی ہے لیکن یہ بہت پہلے شروع ہوا‘ آج بھی موجود ہے اور کل بھی موجود رہے گا۔ ہمیں اپنے رویہ سے لوگوں کو سناتن کے بارے میں سمجھانا ہوگا۔