تلنگانہ:حالت نشہ میں ایک نوجوان بجلی کے ہائی ٹنشن پول پر چڑھ گیا

حیدرآباد: حالت نشہ میں ایک نوجوان بجلی کے ہائی ٹنشن پول پر چڑھ گیاجہاں وہ تقریبا دوگھنٹے تک ٹہرارہا تاہم پولیس کی کوششوں کے بعد یہ نوجوان نیچے اترگیا۔

تفصیلات کے مطابق کل شب میر پیٹ پولیس اسٹیشن کے حدود کے بالاپور چوراہے کے قریب ایک نوجوان جس کی شناخت نہیں ہوسکی، حالت نشہ میں اچانک سڑک کے کنارے واقع بجلی کے پول پر چڑھ گیا۔

اطلاع ملتے ہی پولیس وہاں پہنچ گئی جس نے یوسف گوڑہ سے تعلق رکھنے والے اس نوجوان کو دو گھنٹے کی جدوجہد کے بعد نیچے اتارنے میں کامیابی حاصل کرلی اور اس کو حراست میں لے لیا۔