تلنگانہ میڈیکل ہب بن رہا ہے: وزیرافزائش مویشیاں تلنگانہ

حیدرآباد: تلنگانہ کے وزیر افزائش مویشیاں ٹی سرینواس یادو نے کہا ہے کہ وزیراعلی کے چندرشیکھرراو کی قیادت میں تلنگانہ ایک طبی مرکز بن رہا ہے۔

ورلڈ ایمرجنسی میڈیسن ڈے کے موقع پر انہوں نے سوسائٹی فار ایمرجنسی میڈیکل انڈیا کے زیراہتمام پی وی مارگ، حیدرآباد میں فائیو کے، ٹین کے،میراتھن اور سائیکلوتھون دوڑ کا افتتاح کیا۔

اس موقع پر خطاب کرتے ہوئے سرینواس یادو نے کہا کہ ہر کوئی کورونا کے بعد صحت کے بارے میں زیادہ فکر مند ہو گیا ہے۔

انہوں نے کہا کہ چندرشیکھرراو حکومت عوام کو ہر قسم کی طبی خدمات فراہم کرنے کے لئے مساعی کر رہی ہے۔

انہوں نے کہا کہ تلنگانہ ریاست کی تشکیل کے بعد سرکاری اسپتالوں نے کافی ترقی کی ہے۔