تلنگانہ کے ضلع کریم نگر میں تارپولین کے نیچے سونے والا کسان ٹریکٹر کی ٹکر سے ہلاک

حیدرآباد: تلنگانہ کے ضلع کریم نگر میں تارپولین کے نیچے سونے والا کسان ٹریکٹر کی ٹکر سے ہلاک ہوگیا۔

یہ واقعہ ہفتہ کی صبح ضلع کے وچنور میں پیش آیا۔مقامی افراد کے مطابق اس کسان جس کی شناخت 60 سالہ مونڈئیا کے طورپر کی گئی ہے، نے دو دن پہلے آئی کے پی سنٹر میں اپنی فصل کوفروخت کیلئے لایا۔

چونکہ اس کی فصل کا وزن صبح تین بجے کیاگیا تھا،وہ تارپورلین اوڑھ کر اسی سنٹر میں سوگیا تھا۔

اس تارپولین کا استعمال فصل کو بارش سے بچانے کیلئے کیاجاتا ہے۔

دھان کی منتقلی کاکام کرنے والے ڈرائیور نے یہ نہیں دیکھااور تارپورلین پر گاڑی چڑھادی جس کے نتیجہ میں یہ کسان موقع پر ہی ہلاک ہوگیا۔

پولیس نے اس سلسلہ میں ایک معاملہ درج کرکے لاش کو پوسٹ مارٹم کے لئے بھیج دیا۔