تلنگانہ: سڑک حادثہ میں دو افرادہلاک، 5زخمی

حیدرآباد: تلنگانہ کے سوریاپیٹ ٹاون میں پیش آئے سڑک حادثہ میں دو افراد ہلاک اور5افرادزخمی ہوگئے۔

یہ حادثہ سوریاپیٹ ضلع مستقرمیں ہفتہ کی صبح اُس وقت پیش آیا جب آندھراپردیش کے گنٹور سے حیدرآباد جانے والی پرائیویٹ ٹراویلس کی بس کے ڈرائیور نے ضلع مستقر میں واقع ایس وی انجینئرنگ کالج کے قریب اسپیڈ بریکر پر اچانک بریک لگادیا جس کے نتیجہ میں اس بس کو پیچھے سے آنے والی ایک اور بس نے ٹکر دے دی۔

اس حادثہ میں ایک بس کا کلینر ہلاک ہوگیاجس کی شناخت سائی کے طورپر کی گئی ہے۔

اسی طرح ایک مسافرکی حادثہ کے ساتھ ہی دل کا دورہ پڑنے سے موت ہو گئی۔ اس حادثہ میں 5 مسافرین بھی زخمی ہوئے۔

مقامی افرادکی اطلاع پر سوریا پیٹ ٹاؤن پولیس وہاں پہنچی اور لاشوں کو پوسٹ مارٹم، زخمیوں کو علاج کے لئے اسپتال منتقل کردیا۔ پولیس نے اس سلسلہ میں ایک معاملہ درج کرکے جانچ شروع کردی۔