حیدرآباد کے عثمانیہ اسپتال کی حالت زار تشویشناک:گورنر

حیدرآباد: گورنرتلنگانہ ڈاکٹرتمیلی سائی سوندراراجن نے کہا ہے کہ شہرحیدرآباد کے عثمانیہ اسپتال کی حالت زار تشویشناک ہے۔

انہوں نے’جسٹس فار او جی ایچ‘نامی ٹویٹر اکاؤنٹ پر کئے گئے پوسٹ کو ری ٹوئیٹ کرتے ہوئے اس پر ردعمل ظاہرکیا اور عثمانیہ اسپتال کی نئی عمارت کی تعمیر کے سلسلے میں ماضی میں ریاستی حکومت کی طرف سے کئے گئے وعدوں کو پورا کرنے کی خواہش کی۔

اسپتال میں مریضوں کو درپیش مسائل کی تصویر کے ساتھ نئی عمارت کی تعمیر کے لیے’جسٹس فار او جی ایچ‘ نے ٹوئیٹ کیا تھاجس میں کئی افراد کو ٹیگ کیاگیا۔

گورنرنے اس تنظیم کے ٹوئیٹ پراس اسپتال کی حالت زار پر تشویش کا اظہار کیا۔

انہوں نے کہا کہ عثمانیہ اسپتال کئی افراد کو بہترین طبی خدمات فراہم کرنے کی تاریخ رکھتا ہے۔

انہوں نے ریاستی حکومت پر زور دیا کہ وہ جلد ہی اسپتال کی نئی عمارت کی تعمیر کا کام شروع کرے۔