عالمی عوامل پر منحصر ہوگی شیئربازار کی سمت

ممبئی: گزشتہ ہفتے اہم اشاریوں میں رہی گراوٹ کے بعد آئندہ ہفتے گھریلو شیئر بازاروں کی سمت بنیادی طور پر عالمی عوامل پر منحصر ہوگی۔

سرمایہ کاروں کی نظر مغربی ایشیا کے بحران کے ساتھ ہی خام تیل کی قیمتوں پر بھی ہوگی۔ گھریلو سطح پر نو اہم صنعتوں کے جولائی کے اعداد وشمار اگلے ہفتے جاری کیے جانے ہیں۔ شیئر بازار کی سمت طے کرنے میں اس کا بھی رول رہے گا۔

گزشتہ ہفتے بی ایس ای کا 30 حصص والا سینسیکس پیر اور جمعرات کو مضبوطی پر بند ہوا، جبکہ دیگر تین دن گراوٹ دیکھی گئی۔ یہ 489.92 پوائنٹس (0.62 فیصد) کی ہفتہ وار گراوٹ کے ساتھ 78009.25 پوائنٹس پر بند ہوا۔

نیشنل اسٹاک ایکسچینج کا نفٹی-50 انڈیکس پیر کو چھوڑ کر دیگر چار دن سرخ نشان میں بند ہوا۔ ہفتے کے دوران یہ 204.65 پوائنٹس یعنی 0.83 فیصد گر کر جمعہ کو 24366 پوائنٹس پر رہا۔

وسیع بازار میں ملا جلا رجحان رہا۔ نفٹی مڈکیپ-50 انڈیکس 0.48 فیصد چڑھا، جبکہ اسمال کیپ-100 انڈیکس 0.65 فیصد اتر گیا۔

سینسیکس کی 30 کمپنیوں میں سے 19 کے حصص میں ہفتہ وار گراوٹ رہی۔ ٹی سی ایس کا حصص 3.86 فیصد ٹوٹ گیا۔ آئی ٹی سی میں 2.77 فیصد، الٹرا ٹیک سیمنٹ میں 2.70، اسٹیٹ بینک آف انڈیا میں 2.56، ٹاٹا اسٹیل میں 2.45، پاور گرڈ میں 1.93، مہندرا اینڈ مہندرا میں 1.78، ریلائنس انڈسٹریز میں 1.77 اور ایکسس بینک میں 1.66 فیصد کی گراوٹ رہی۔

ماروتی سوزوکی کا حصص 1.32 فیصد، سن فارما کا 1.24، این ٹی پی سی کا 1.16 اور ٹیک مہندرا کا 0.92 فیصد پھسل گیا۔ ایچ ڈی ایف سی بینک، انڈیگو، ایشین پینٹس، انفوسس، ٹرینٹ اور آئی سی آئی سی آئی بینک کے حصص بھی سرخ نشان میں رہے۔

ٹائٹن میں 2.75 فیصد کی ہفتہ وار تیزی رہی۔ بی ای ایل کا حصص 2.06 فیصد، بھارتی ایئرٹیل کا 1.68 اور بجاج فنسرو کا 1.40 فیصد کی بڑھت میں رہا۔ ایچ سی ایل ٹیکنالوجیز، ایٹرنل، بجاج فنانس، اڈانی پورٹس، ایل اینڈ ٹی، ہندوستان یونی لیور اور کوٹک مہندرا بینک میں بھی تیزی رہی۔