حوثیوں کا بحیرہ احمر میں ڈنمارک کے جہازپر میزائل حملہ

واشنگٹن: یمن میں انصار اللہ تحریک (حوثی) کے زیر کنٹرول علاقوں سے چار اینٹی شپ میزائل داغے گئے۔ ان میں سے تقریباً تین کو بحیرہ احمر میں ڈینش تجارتی جہاز ایم ٹی پولکس کو نشانہ بنانے کے لیے استعمال کیا گیا۔

یہ اطلاع اتوار کو امریکن سینٹرل کمانڈ (سی ای این ٹی سی او ایم-سینٹ کام ) نے دی۔ ’سینٹ کام‘ نے کہا کہ چار اینٹی شپ بیلسٹک میزائل یمن کے ایرانی حمایت یافتہ حوثیوں کے زیر کنٹرول علاقوں سے بحیرہ احمر میں داغے گئے۔ علاقے میں ایم ٹی پولکس یا کسی دوسرے جہاز کو نقصان پہنچنے یا کسی زخمی ہونے کی کوئی اطلاع نہیں ہے۔

اسی دوران امریکی فوج نے جمعہ کے روز یمنی پانیوں میں ایک اینٹی شپ کروز میزائل اور ایک موبائل بغیر پائلٹ سطحی جہاز (یو ایس وی ) کے خلاف حملے کیے تھے۔

بیان میں کہا گیا ہے کہ” سینٹ کام نے یمن کے حوثیوں کے زیر کنٹرول علاقوں میں موبائل میزائلوں اور یو ایس وی کی نشاندہی کی ہے اور اس بات کا تعین کیا ہے کہ اس خطے میں امریکی بحری جہازوں اور تجارتی جہازوں کے لیے خطرہ ہے۔”

انصار اللہ تحریک یمن کے بحیرہ احمر کے ساحل کے زیادہ تر حصے پر قابض ہے اور اس سے قبل وہ اسرائیل سے منسلک بحری جہازوں پر حملے کا انتباہ دے چکی ہے۔