مشرق وسطیٰ
ایرانی فوجی قیادت میں ہیلی کاپٹر حادثہ کی تحقیقات شروع
خبر رساں ایجنسی IRNA نے اپنی رپورٹ میں کہا ہے کہ حادثے کے بارے میں درست اور تفصیلی معلومات متعلقہ کمیٹی کی تحقیقات مکمل ہونے کے بعد ہی دی جائیں گی۔

تہران: ایرانی مسلح افواج کے چیف آف اسٹاف میجر جنرل محمد باقری نے ہیلی کاپٹر کے حادثے کی تحقیقات کے لیے ایک اعلیٰ سطحی کمیٹی تشکیل دی ہے۔ اس حادثے میں ایران کے صدر ابراہیم رئیسی اور وزیر خارجہ حسین امیرعبداللہیان سمیت متعدد اہم لیڈروں کی موت ہوگئی تھی۔
کمیٹی کی سربراہی بریگیڈیئر علی عبداللہی کو سونپی گئی ہے جنہوں نے جائے حادثہ پر پہنچ کر تحقیقات شروع کر دی ہیں۔ خبر رساں ایجنسی IRNA نے اپنی رپورٹ میں کہا ہے کہ حادثے کے بارے میں درست اور تفصیلی معلومات متعلقہ کمیٹی کی تحقیقات مکمل ہونے کے بعد ہی دی جائیں گی۔