بسرا مندر میں چوری، بدمعاش چاندی کا تاج اور ہنڈی کی رقم لے کر فرار

نرمل: تلنگانہ میں ضلع نرمل کے مشہور بسرا سرسوتی مندر میں منگل کو چوری کا واقعہ سامنے آیا۔

مندر انتظامیہ کے مطابق نامعلوم افراد نے سرسوتی اماواری مندر کے احاطے کی بالائی منزل پر واقع مہاکالی مندر سے چاندی کا تاج اور ہنڈی چرا لی۔ بتایا گیا ہے کہ ملزمان نے مہاکالی مندر کا گیٹ توڑ کر چوری کی واردات انجام دی۔

ہنڈی سے رقم نکالنے کے بعد ملزمان خالی ہنڈی کو ویاس مندر کے قریب چھوڑ کر موقع سے فرار ہوگئے۔ چوری کا انکشاف اس وقت ہوا جب پجاری صبح کی پوجا ارچنا کے لیے مندر پہنچے۔

مندر انتظامیہ نے فوری طور پر پولیس کو اطلاع دی۔

معاملہ درج کرلیا گیا ہے۔ پولیس ملزمان کی شناخت اور ان کا سراغ لگانے کے لیے مندر کے احاطے میں نصب سی سی ٹی وی کیمروں کی فوٹیج کا جائزہ لے رہی ہے۔