کینڈا میں چاقوزنی، تین افراد کی موت

اوٹاوا: کینڈا کے مختلف مقامات پر پرتشدد واقعات پیش آرہے ہیں۔ حکام کاکہنا ہے کہ صورتحال سے نمٹنے کیلئے موثراقدامات کئے جارہے ہیں۔

مونٹریال‘ کینڈا میں چاقوزنی کے دوران تین افراد کی موت ہوگئی جن میں ایک لڑکا شامل ہے۔ یہ واردات دو دن قبل پیش آئی۔

مقامی میڈیا نے یہ بات بتائی اور کہا کہ پولیس نے اس سلسلہ میں جیسے ہی کال وصول ہوئے وہ فوراً مقام پرپہنچ گئی۔ یہ واردات بتایاجاتا ہے کہ شام 7بجے پیش آئی۔

میڈیا رپورٹ میں مزید بتایاگیا ہے کہ 15افراد کے درمیان لڑائی ہوئی اور یہ تشدد میں تبدیل ہوگئی جس کے نتیجہ میں چاقو سے ضربات پہنچا کر تین افراد کوہلاک کردیاگیا ہے۔

پولیس نے بتایاکہ مشتبہ افراد پولیس کے عہدیداروں کے پہنچنے سے قبل فرار ہوگئے۔ اس بات کی توثیق کی گئی کہ تنازعہ منظم جرائم یا ٹولیوں کی درمیان کشیدگی کا نتیجہ نہیں ہے۔ یہ بات سی ٹی وی نیوز نے بتائی۔

تنازعہ اور پرتشدد واقعات کی وجہ تین افراد کی موت کے بعد افراتفری اور سنسنی پھیل گئی۔ یہ بات خبررساں ادارے ژنہوا نے بتائی اور کہا کہ حکام نے اس طرح کی وارداتوں کو بدبختی قراردیتے ہوئے کہا ہے کہ خاطیوں کے خلاف سخت کاروائی کی جائے گی۔